The Fause Knight on the Road

‘O WHARE are ye gaun?’
Quo the fause knicht upon the road.

‘I’m gaun to the scule,’
Quo the wee boy, and still he stude.

‘What is that upon your back?’
Quo the fause knicht upon the road.

‘Atweel it is my bukes,’
Quo the wee boy, and still he stude.

‘What’s that ye’ve got in your arm?’
Quo the fause knicht...

‘Atweel it is my peit.’
Quo the wee boy...

‘Wha’s aucht they sheep?’
Quo the fause knicht...

‘They are mine and my mither’s.’
Quo the wee boy...

‘How monie o them are mine?’
Quo the fause knicht...

‘A’ they that hae blue tails.’
Quo the wee boy...

‘I wiss ye were on yon tree:’
Quo the fause knicht...

‘And a gude ladder under me.’
Quo the wee boy...

‘And the ladder for to break:’
Quo the fause knicht...

‘And you for to fa down.’
Quo the wee boy...

‘I wiss ye were in yon sie:’
Quo the fause knicht...

‘And a gude bottom under me.’
Quo the wee boy...

‘And the bottom for to break:’
Quo the fause knicht...

‘And ye to be drowned.’
Quo the wee boy...

‘I wish you were in yonder well:’
Quo the fause knicht...

‘And you were down in hell.’
Quo the pretty little boy...